أروى: أنا أنجح مطربة قدمت برنامجا تليفزيونيا.. ولا أفكر في ارتداء الحجاب
حلت الفنانة اليمنية أروى، ضيفىة على أحد البرامج التلفزيونية، وتحدثت خلال اللقاء عن مشوارها الفني وتفاصيل حياتها الشخصية، كما كشف إمكانية ارتدائها الحجاب.
أبرز تصريحات المطربة أورى
- بحب نفسي جدًا، والعمر مالوش علاقة أبدًا وبحس أن المرأة لما بتكبر بتبقى جوهرة.
- أنا حاسة أني امرأة حلوة، وعندي مواهب كتير أتحدى أن حد يمكلها، مين دلوقتي يقدم برامج ويغني ويقلد ويمثل ويعمل استعراض ويقدمهم بنجاح؟.
- مع احترامي لـ كل الأسماء أنا أنجح فنانة مطربة عملت حوار تليفزيوني.
- زوجي منتج بينتج لكل الناس، ولو أنتج لي ونجحت ليه مش هينتج لي تاني؟، يعني هيروح يساند الغريب؟.
- عملت عملية تجميل واحدة في أنفي، وعملت بوتكس زي أي امرأة.
- أنا من النساء اللي لما بتكبر بتحس بـ أنوثتها أكبر، ومش مهتمة اللي حواليا حاسين ده ولا لأ.
- وأنا صغيرة كنت أهم سفيرة لأهم علامة تجارية في العالم، وكنت أول عربية أعمل أهم علامة تجارية في العالم.
- زوجي مالوش قرار عليا لأنه واثق في قرارتي، لأنه أول ما أخدني وهو عارف أروى مين من احترام وتربية وشكل.
- أنا سمعتي طيبة بين الناس لدرجة لو قعدت مع حد مش كويس بيقولوا ده تاب.
- عمري ما مليت من الفن لأني مش مستكلبة على الشهرة.
- كنت ملاحظة أن وعد في حاجة هتتغير فيها، وبالفعل ارتدت الحجاب وأنا من أوائل الناس اللي باركوا لها.
- الحجاب شيء كبير ومهم ويشرفني، ولكن فكرة ارتداء الحجاب مش واردة ولا بفكر فيها.
- لا شك أن الحجاب بيقلل كتير من الفرص في الفن، ولكن الموضوع مالوش علاقة بالنسبة ليا وممكن يجي وقت والتزم فيه، وممكن يجي عليا أبقى 90 سنة وشعري أبيض وبدون حجاب.
- كان حلمي يكون عندي أكتر من طفل، وربنا مقدرش أني أجيب أكتر من نورا وهي فضل ونعمة من ربنا.
