6 أشهر مع الجثة.. ننفرد بنشر نص تحقيقات سفاح المعمورة وحديثة عن الاحتفاظ بجثة زوجته| ج 5
تفاصيل مروعة سردها المحامي نصرالدين السيد، الشهير إعلاميا بسفاح المعمورة، خلال التحقيقات، حول قتله لزوجته فهو لم يكتف بقتلها بل احتفظ بجثتها داخل تابوت خشبي لمدة تجاوزت 6 أشهر، قبل أن ينقلها إلى مسكنه الجديد.
احتفظ بالجثمان داخل صندوق خشبي مبطن لمدة 6 أشهر
حصل موقع القاهرة على نص التحقيقات وأقوال سفاح المعمورة حول كيفية الاحتفاظ بجثة زوجته لمدة تجاوزت 6 أشهر بمسكنة القديم ونقلها لشقته الجديدة.
جاء نص التحقيقات كالتالي:
س وفق اقرارك واعترافك بالتحقيقات الآن أنك قمت بتنفيذ مخططك الإجرامى الأول بإزهاق روح المجني عليها مني فوزي ثابت، في غضون شهر يناير 2024 وقمت بتكفين جثمانها بالقماش الأبيض ووضعها داخل صندوق خشبي قمت بأعداده خصيصا لإخفاء جسدها بداخلة وظلت حوزتك داخل تلك العين محل سكنك الان لمده تزيد عن ست اشهر تقريبا فحدد لنا هل كنت تقيم إقامة دائمة بتلك العين رفقة جثمان المجنى عليها سالفة الذكر طيلة تلك الفترة حتى مغادرتك لتلك العين من عدمه؟
ج أيوه انا كنت قاعد مع الجثه دي في نفس الشقة إقامة دائمة ومستقرة
س وهل كانت تلك الإقامة الدائمة تسير بصورة طبيعية وعلى الوجه المعتاد للشخص الطبيعي ؟
ج أيوه
س وما هي كيفية ذلك تحديدا ؟
ج أيوه انا كنت بأكل ويشرب وعايش معاها عادي في نفس الشقة وكنت برش مبيد حشري بتاع الحشرات حولين التابوت الخشبي اللى كانت في محطوطة فيه عشان الدبان والحشرات.
س ألم تتأثر نفسيا أو تنتابك ثمة مخاوف على الاطلاق بوجود جثمان المجني عليها مني فوزي ثابت - بمحل إقامتك وبغرفة مجاورة طيلة تلك الفترة ؟
ج أنا كنت على طول بشغل قرآن على الموبايلات بتوعي وكنت برش حولين عتبة باب المقفول والكلام ده انا فضلت اعملة طول المده اللي كانت الجثة فيها في الشقة الاولانية وفضلت برده أعملة لما نقلت الجثة للشقة الثانيه.
س متى تحديدا بيت النية وعقدت العزم على ازهاق روح المتوفية إلى رحمة مولاها تعالى منى فوزي ثابت؟
ج من شهر 1- 2024 في مشاكل بينا جامده وهي كانت العيشة معاها صعبة وكانت بتخليني أبات بره البيت.
س والم تتراجع أو تتردد خلال تلك الفترة عن قرارك بقتل المتوفية إلى رحمة مولاها تعالى مني فوزي ثابت ؟
ح الموضوع حصل زي ما انا قلت وانا قلت كل حاجة.
س وهل فكرت من قبل وبدر إلى ذهنك وعقيدتك إزهاق روح المتوفية لرحمة مولاها تعالي سالفة الذكر؟
ج لا هي المشاكل زي ما انا قلت من أول لما اتجوزنا والعيشة كانت صعبة.
س متي كان ذلك تحديدًا ؟
ج من شهر 1- 2024.
س وما هو تحديدا الدافع وراء قيامك بارتكاب تلك الواقعة وازهاق روح المجني عليها مني فوزي ثابت ؟
ج اللي حصل بسبب المشاكل اللى ما بينا واللى كانت بتعملة فيا زي ما انا قلت قبل كده.
س وما هي تحديدا الحالة التي أصبحت عليها المتوفية إلى رحمة مولاها تعالى عقب ذلك التعدي الواقع عليها منك ؟
ج هي ماتت
س وهل تأكدت من أن المتوفية الى رحمة مولاها تعالى قد فارقت الحياة وخرجت روحها إلى بارئها عقب ارتكابك للواقعة ؟
ج ايوه
س وما هي تحديدا وسيلة تأكدك من أن روحها قد فارقت الحياة ؟
ج هي مكنتش بتنطق وماتت.
س الم تحاول اسعاف المتوفية الى رحمة مولاها تعالى أو حملها إلى أحد المستشفيات ؟
لا
س وما الذي حال دون ذلك؟
ج أنا كنت غضبان من كتر المشاكل
س ما هو تاريخ إيجارك للوحدة السكنية محل إقامتك والمجني عليها منى فوزي ثابت وما هو اسن مالكها؟
ج شهر 1- 2014،من واحدة اسمها سماح ومعرفش باقي اسمها لأن عقد الإيجار كان جاي مكتوب باسمي لأن صاحبتها كانت ساكنة في كفر الشيخ.
س وما هو تحديدا وصف وطبيعة محل ارتكابك لتلك الواقعة قتل المجني عليها مني فوزي ثابت؟
ج هي شقة سكنية بالدور 3 علوي بمنطقة طوسون بشارع ابن النفيس منتزه ثان طريق الطابية عمارة البحرية والواقعة حصلت في صالة بتاعت الشقة.
س وما هي تحديدا كيفية قيامك بارتكاب واقعة قتل المجني عليها مني فوزي ثابت - تحديدا؟
ج هو كان في بينا مشاكل كبيرة بيني وبينها وهي كانت بتشك فيا وعندها موضوع الغيره ده جامد لدرجة أن في يوم كنت بكلم موكل عندي هي افتكرت إن انا بكلم واحدة ست والكلام ده تقريبا كان في شهر 1 - 2024، واتعاركت معاها بسبب الشك المرضي اللي عندها وساعتها كانت قاعدة على الكتبة وقامت وقفت وقمت أنا كمان وقفت وضربتها على وشها لحد لما لقتها وقعت على الكنبة لورا بضهرها وسكتت خالص وماتت ووقتها مكنتش عارف اعمل ايه، وبعدها بحوالي ساعتين غسلتها وكفتها بالقماش الأبيض وسبتها في الشقة عندي اللي كنت مأجرها وقاعدين فيها في شارع بن النفيس منطقه طوسون، ورحت لنجار وقلتلة عاوز اعمل صندوق خشب من اللى بينحط جنب السرير وانا وقتها كنت بقولة كده عشان يعملي حاجة شبة التابوت الخشب وبالفعل هو عمل التابوت ده وأنا أخدته على الشقة وحطتها فيه، والشقة دى كانت في الدور 3 علوي، وبعدها بحوالي 6 شهور أنا سبت الشقة دي وأجرت شقة ثانية في المعمورة البلد ونقلت التابوت ده مع العفش اللي كان في الشقة والشقة دي كانت في الدور الأرضي.
س هل دار فيما بينك وبين المجني عليها سالفة الذكر ثمة حوار آنذاك ؟
ج أيوه
س وما هو تحديدا مضمون ذلك الحوار ؟
ج هي كانت بتقولى أنت بتتجوز عليا وهى كانت على طول خنقاني بالموضوع ده وأنا كنت بقولها لا أنا مش هتجوز عليكي وهي صوتها على عليا وأنا أصلا كنت مخنوق من كثر المشاكل اللي بينا والعيشة الصعبة ووقتها أنا غضبت زى ما قولت قبل كده وقررت وقتها ان انا اضربها في وشها بأيدي لحد لما ماتت وحصل اللي حصل.
س وهل اشترك او عاونك او سهل لك ثمة أشخاص آخرين ارتكابك لتلك الواقعة ؟
ج اللي نزل معايا التابوت الخشب هو البواب اللى أنا قولت عليه ومعرفش اسمة شلته أنا وهو ونزلته من على السلم وقولتله أنا بنزله من على السلم عشان جواه حاجات ممكن تنكسر لو نزل من على الونش.
س هل تتعاطي ثمة مواد مخدرة أو مسكرة حال ارتكابك لتلك الواقعة تحديدا ؟
ج لا
س وما هو تحديدا قصدك من ارتكابك لتلك الواقعة تحديدا ؟
ج كنت في حالة صعبة وقتها وقتلتها زي ما قلت قبل كده.
