إمام عاشور عن خلافه مع حسام حسن: عمري في حياتي ما أعمل مشكلة وأقلب وشي على المدرب
كشف إمام عاشور لاعب فريق الكرة الأول بالنادي الأهلي، عن كواليس خلافه مع حسام حسن المدير الفني لمنتخب مصر، والذي أدى إلى استبعاده في الفترة الماضية.
تصريحات إمام عاشور
وقال إمام عاشور في تصريحات تليفزيونية: عمري في حياتي ما أعمل مشكلة وأقلب وشي على المدرب لما يقولي إنت بره.. واللي حصل في منتخب مصر إن ركبتي كانت واجعاني والدكتور كان موجود وقالي محتاجه راحة وخدت استئذان من المنتخب ومشيت.
وأضاف: حسام حسن طلع وقال لازم إمام عاشور يعتذر فـ عادي مفيش مشكلة خرجت امبارح واعتذرت.. وبعتذر لـ الكابتن حسام حسن لو هو شاف حاجة أنا مش شايفها أو عملت حاجة وأنا مش واخد بالي وشرف لي إني ارتدي قميص منتخب مصر، وبعتذر للكابتن حسام حسن تاني وتالت وعاشر.
وأشار إمام عاشور في تصريحاته: فرصة خوض كأس العالم لمنتخب مصر أي حد يتمناها وإحساس كبير جدًا ونفسي أكون موجود، ومن الصعب رحيل رامي ربيعة عن الأهلي لأنه من ناشئي الأهلي ومش من السهولة أمشي وأروح نادي تاني وبقوله أنت أقدم من برج القاهرة في الأهلي.. وكان نفسي تبقا موجود معانا في كأس العالم ولكن تلك هي كرة القدم.
