أختي مش بتتحرك من السرير ومستقبلها ضاع.. شقيقة مريم ضحية حادث سير بالهرم تستغيث: عايزين حقها
استغاثت فتاة من منطقة الهرم التابعة لمحافظة الجيزة عبر منصات التواصل الاجتماعي من تعرض شقيقتها التي تدعى مريم أشرف لحادث سيارة ميكروباص.
شقيقة الفتاة ضحية حادث السير بالهرم تكشف حالتها الصحية
وقالت مروة أشرف شقيقة الفتاة المصابة في تصريحات خاصة لـ القاهرة 24: أختي كانت راجعة من جامعتها وماشية في الشارع على جنب فجأة سيارة ميكروباص ماشية بسرعة جنونية شالتها ورمتها بعيد جدًا لدرجة أن المحفظة بتاعها وموبايلها ضاعوا.
وأضافت شقيقة الفتاة المصابة: والناس لما شافوها كده في الشارع نقلوها المستشفى وقالتهم اسمها مريم، عشان يوصلوا لنا وعرفنا الخبر من الجامع لما كانوا بينادوا على اسمها.
وأكملت شقيقة الفتاة المصابة: حالة أختي مدمرة حاليا كان عندها كسور في الحوض والجبهة والضلع الشمال وعملت 3 عمليات لحد دلوقتي ومش بتمشي ولا تتحرك مع إنها كانت بتحب تنزل كل يوم بس قضاء ربنا، ونفسيتها تعبانة جدا ونفسها تاخد حقها من سواق الميكروباص اللي وصلها للمرحلة دي.
وأردفت شقيقة الفتاة المصابة: أختي مستقبلها ضاع لأنها معيدة في جامعة الأهرام الكندية، ومصاريف علاجها كلفتنا مليون جنيه لحد دلوقتي ولسه فيه علاج طبيعي وتأهيل والدكاترة بيجولنا بس وضعها صعب وحالتها أصعب ومحتاجين أن جامعتها تتكفل معانا بمصاريف العلاج وفي نفس الوقت نرجعلها حقها من اللي عمل فيها كده عشان يأخد جزاءه ويتحاسب والموضوع ميتكررش مع حد تاني.
