بسبب كلب ميت.. والدة ضحية القتل على يد مسجل خطر ببورسعيد: المتهم خلص على ابني قدام بنته
كشفت والدة الشاب سمير ضحية القتل على يد مسجل خطر في بورسعيد، تفاصيل الحادثة التي تعرض لها نجلها أمام صغيرته.
أم شاب قُتل أمام طفلته ببورسعيد
وقالت والدة الضحية، في تصريحات لـ القاهرة 24: ابني كان قاعد مع أبوه قدام المحل، وبنته على إيده، فرحان بيها بعد 9 سنين انتظار وحقن مجهري، وفجأة جاره رمى كلب ميت من الدور الرابع، فلما ابني اعترض عليه، المتهم طعنه ابني وزوجي بخنجر.
وأضافت: "كان ناوي يقتل التلاتة.. ابني وبنته وأبوه، بس ربنا نجّى البنت، وابني وقع وهو بيحميها بجسمه، وأبوه لسه بيصارع الموت في المستشفى.
وواصلت السيدة: المتهم سبق واتحبس في قضايا قتل وبلطجة، ودي مش أول مرة، ودي آخر مرة لازم تكون، مطالبة بإعدامه ومحاكمته محاكمة عاجلةـ مستكملة: واثقة إن حق ابني راجع، وحق جوزي وبنته الصغيرة كمان، اللي هتكبر يتيمة من أول لحظة في حياتها.
وألقت الأجهزة الأمنية القبض على المتهم، وتم ضبط السلاح المستخدم، وأمرت جهات التحقيق بتشريح الجثمان، والتصريح بدفنه، وجارٍ استكمال الإجراءات.
