شيري عادل: بقيت مترددة في اختيار أعمالي.. وأنا مش محصورة في أدوار معينة
كشفت الفنانة شيري عادل، عن سبب وجود فارق زمني بين كل عمل وآخر تقدمه، موضحة أنها تعمل خلال الفترة الحالية على اختيار أعمالها بعناية شديدة.
وقالت شيري عادل، في لقائها مع القاهرة 24: السبب في ده الورق أني بقيت مترددة أكتر، وبقيت عايزة أقدم أعمال وشخصيات جديدة، أنا عملت أعمال وشخصيات كتير فعايزة أقدم حاجة جديدة، وكل سنة هتبقى أصعب علشان مكررش نفس الشخصيات، فأنا عايزة أركز أوي وأختار مواضيع جديدة.
أما عن فكرة حصرها في أدوار الفتاة اللطيفة الراقية، فعلقت شيري عادل: الشر حاجة والجرأة حاجة واللطافة حاجة، مفيش أي حاجة فيهم ليها علاقة ببعض ولا ليهم علاقة بالشكل، والموضوع مبينحصرش في فكرة خير وشر، والشر كده كده مبيبقاش شر في المطلق والشخصية بتكون مرت بحاجات كتير علشان توصل للشر.
آخر أعمال شيري عادل
وعلى جانب آخر، تنتظر الفنانة شيري عادل عرض فيلم أصل الحكاية، والعمل من بطولة الفنان عابد عناني، الفنان خالد الصاوي، الفنان بيومي فؤاد، الفنان محمد ثروت، الممثلة الشابة جيسيكا حسام الدين، الفنان يوسف عثمان، الفنان علاء مرسي، الفنان كريم عفيفي، الفنانة هالة فاخر، الفنان محمود حافظ، الفنانة رانيا شاهين، وغيرهم، والعمل من تأليف وإخراج محمد أمين.
